Alvaro Neqredo karyerasını başa vurub

İspaniya millisinin sabiq hücumçusu Alvaro Neqredo peşəkar futboldan ayrıldığını açıqlayıb.

90deqiqe.Az-ın məlumatına görə, keçmiş futbolçu "X" (keçmiş Twitter) sosial şəbəkəsindəki hesabında butslarını asdığı ​​videonu paylaşıb.

"Hər şey üçün təşəkkür edirəm, futbol" - deyə, Alvaro Neqredo yayımlanan videoya qeyd edib.

Neqredo 2012-ci il Avropa çempionatında iştirak edib və İspaniya millisinin tərkibində qızıl medallar qazanıb. Alvaro Neqredo “Real Madrid”in gənclik sisteminin məhsuludur və karyerasında “Mançester Siti”, “Sevilya”, “Valensiya”, “Kadis”, “Almeriya”, “Beşiktaş”, “Əl-Nəsr” (BƏƏ), “Midlsbro”, “Valyadolid” və “Rayo Valyekano”da çıxış edib.