Xavi İngiltərə nəhənginə rəhbərlik edə bilər

Təcrübəli mütəxəssis Xavi “Mançester Yunayted”i çalışdıra bilər.

90deqiqe.Az "El Nacional"a istinadən xəbər verir ki, ispan çalışdırıcının “qırmızı şeytanlar”a başçılıq etməsi ehtimalı getdikcə artır.

“Mançester Yunayted” Ruben Amorim komandanı yalnız noyabrda təhvil almasına baxmayaraq, artıq onunla yollarını ayırmağı düşünür.

Bildirilir ki, Xavi “Old Trafford”da işləməyə razı ola bilər, ancaq şərti heyətin yenidən qurulmasıdır.

“Mançester Yunayted” çətin günlər yaşayır və hazırda İngiltərə çempionatının cədvəlində cəmi 14-cü yeri tutur.

İspan çalışdırıcı ötən mövsümün sonunda "Barselona"nın baş məşqçisi vəzifəsindən ayrıldıqdan sonra klubsuz qalıb.