"Barselona" de Yonqa əvəzləyici tapıb

"Nyukasl"ın yarımmüdafiəçisi Bruno Quimareş İspaniya çempionatına keçə bilər.

90deqiqe.Az-ın "Fichajes"ə istinadən verdiyi xəbərə görə, "Barselona" 27 yaşlı futbolçunu öz sıralarına cəlb etmək istəyir. "Blauqrana" braziliyalını komandadan ayrılması gözlənilən Frenkie de Yonqun əvəzləyicisi kimi nəzərdən keçirir.

Quimareşin bazar dəyəri 80 milyon avro olaraq qiymətləndirilir. İngiltərə Premyer Liqasının cari mövsümündə yarımmüdafiəçi 27 oyun keçirib, iki qol vurub və altı məhsuldar ötürmə edib. Braziliyalının müqaviləsi 2028-ci ilin yayına kimi nəzərdə tutulub.