Lunin "Rayo Valyekano" üzərində çətin qələbədən danışıb

"Real Madrid"in qapıçısı Andriy Lunin komandasının ölkə çempionatında "Rayo Valyekano" üzərində qələbəsi ilə bağlı fikirlərini bölüşüb.

90deqiqe.Az xəbər verir ki, ukraynalı qolkiper bu barədə jurnalistlərə açıqlamasında danışıb.

"İlk hissədə matça tam nəzarət edib və iki gözəl qol vurub, lakin fasiləyə qədər uğursuz qol buraxdıq. İkinci hissə daha gərgin keçdi, amma əsas odur ki, oyunu qələbəyə başa vura bildik.Bu, Çempionlar Liqasındakı çətin matçdan əvvəl çox vacib üç xaldır".

Xatırladaq ki, “kral klubu” Kilian Mbappe və Vinisius Juniorun qolları sayəsində “Rayo Valyekano”ya 2:1 hesabı ilə qalib gəlib. Martın 12-də “Real Madrid” Çempionlar Liqasının 1/8 final mərhələsində “Atletiko Madrid”lə cavab oyununu keçirəcək.