"Yamalı Messi ilə müqayisə etməyə ehtiyac yoxdur"

"Barselona"nın qapıçısı Voyçex Şesni komandanın vingeri Lamine Yamalı klubun əfsanəsi Lionel Messi ilə müqayisəsi haqda danışıb.

90deqiqe.Az xəbər verir ki, "Barca Universal" polşalı futbolçunun dediklərini belə çatdırıb. 

"Messi ilə Yamal arasında oxşarlıq görürəmmi? Xeyr, onlar tamamilə fərqli oyunçulardır və onları müqayisə etmək üçün heç bir səbəb yoxdur"

Xatırladaq ki, Messi akademiyada keçirdiyi vaxtı nəzərə alsaq, 2000-2021-ci illərdə “Barselona”da çıxış edib. Argentinalı əsas komandada 778 matçda 672 qol vurub və 303 məhsuldar ötürmə edib. 37 yaşlı hücumçu hazırda Amerikanın "İnter Mayami" klubunda çıxış edir. 17 yaşlı Yamal böyüklər səviyyəsində 88 oyunda 19 qol vurub və 24 məhsuldar ötürmə edib.