"La Liqa artıq əvvəlki kimi deyil"

"Barselona"nın hücumçusu Robert Levandovski İspaniya La Liqası haqda danışıb.

90deqiqe.Az xəbər verir ki, "Barca One" polşalı futbolçunun dediklərini belə çatdırıb. 

“Mən gələndə daha texniki bir liqa görməyə ümid edirdim. Lakin bir neçə oyun və bir neçə aydan sonra anladım ki, La Liqanı əvvəlki illərlə müqayisə etmək olmaz. İndi daha çox müdafiə yönümlü və qaydaları pozmağa meylli komandalar var – hücumçu oyun üslubu bir qədər yox olub. Əvvəllər burada yalnız böyük komandalar deyil, ümumilikdə çoxlu qol vurulurdu. İndi isə La Liqa daha fiziki bir xarakter daşıyır.”

"Barselona" İspaniya çempionatının turnir cədvəlində birinci yerdədir.