Şesninin agenti qapıçının "Barselona"dakı gələcəyini açıqlayıb

"Barselona"nın qapıçısı Voyçex Şesninin maraqlarını təmsil edən futbolçu agenti Conatan Barnett futbolçu ilə "blaugrana" arasında yeni müqavilə imzalanmasının mümkünlüyündən danışıb.

90deqiqe.Az xəbər verir ki, jurnalist Fabrizio Romano dediklərini belə çatdırıb. 

“Klubla yeni müqavilədə asanlıqla razılaşacağıq. Şesni "Barselona" ilə bağlı hər şeyi bəyənir və klub da ondan razıdır. Hər şey çox sadə həll olunacaq".

34 yaşlı oyunçu ötən ilin oktyabrından Kataloniya nəhəngində çıxış edir. Tərəflər arasında mövcud əmək müqaviləsi 2025-ci ilin iyun ayının sonunda başa çatır. Voyçexin transfer dəyəri bir milyon avro olaraq qiymətləndirilir.