"Barselona"nı tərk etməyi düşünürdüm"

"Barselona"nın hücumçusu Rafinya Dias 2024-cü ilin yayında komandadan ayrılmaq qərarına gəlməsi ilə bağlı açıqlama verib.

90deqiqe.Az xəbər verir ki, "Barca Universal" braziliyalı futbolçunun sözlərini belə çatdırıb:

“Amerika Kubokundan sonra psixoloji cəhətdən narahat idim və "Barselona"nı tərk etməyi düşündüm. Flik mənə zəng edib məşqə gəlməyimi istədi, çünki mənimlə danışmaq istəyirdi və mənə arxalanırdı. Bu, dönüş nöqtəsi oldu”.

Rafinya 2022-ci ildən "Barselona"da çıxış edir. Bu mövsüm o, bütün turnirlərdə 42 matçda meydana çıxıb, 27 qol vurub və 20 məhsuldar ötürmə verib. 28 yaşlı braziliyalının "blauqrana" ilə hazırkı əmək müqaviləsi 2027-ci ilə qədərdir.