"Qızıl top" mübarizəsində olmaq, yaşadığım hər şeydən sonra artıq qələbədir"

"Barselona"nın vingeri Rafinya "Qızıl top"u qazanma ehtimalı ilə bağlı açıqlama verib.

90deqiqe.Az xəbər verir ki, "Globo Esporte" braziliyalı futbolçunun sözlərini belə çatdırıb:

“Mənim məqsədim “Barselona” və milli komanda ilə qol vurmaq, məhsuldar ötürmələr etmək və titullar qazanmaqdır. Komanda yaxşı çıxış edirsə, təbii ki, fərdi oyun meydana çıxır. Ancaq "Qızıl top" uğrunda mübarizə aparanlar arasında olmaq, yaşadığım hər şeydən sonra artıq qələbədir"

Bu mövsüm hücumçu bütün turnirlərdə 42 matçda iştirak edib, 27 qol vurub və 20 məhsuldar ötürmə edib. Futbolçunun klubla hazırkı əmək müqaviləsi 2027-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 80 milyon avrodur.