Fabreqas "Real Madrid"in bazasında Ançelotti ilə danışıqlar aparıb

İtaliyanın “Komo” klubunun baş məşqçisi Sesk Fabreqas Madrid “Real”ının məşq bazasında olub, burada komandanın baş məşqçisi Karlo Ançelotti ilə söhbət edib.

90deqiqe.Az-ın "ABC"ə istinadən verdiyi xəbərə görə, mütəxəssislər "Komo"da çıxış edən yarımmüdafiəçi Niko Pazın gələcəyini müzakirə ediblər.

Futbolçu 6,5 milyon avroya alınıb, ona olan hüquqların 50 faizi "kral" klubuna məxsusdur. "Real Madrid" istəsə Pazı geri ala bilər. Fabreqas da öz növbəsində yarımmüdafiəçini ən azı növbəti mövsümün sonuna qədər saxlamaq istəyir. Ançelotti ispaniyalının istəklərinə müsbət cavab verib.

Bu mövsüm Niko İtaliya çempionatında 27 oyun keçirib, 6 qol vurub və 5 məhsuldar ötürmə edib.