"Levandovski qol vuran maşındır"

"Barselona"nın vingeri Rafinya komandanın polşalı hücumçusu Robert Levandovski haqda danışıb.

90deqiqe.Az xəbər verir ki, "Barca Universal" futbolçunun dediklərini belə çatdırıb. 

“Levandovski qol vuran maşındır, buna heç bir şübhə yoxdur. O, düzgün mövqeyə düşməyi bilir və təsadüfi deyil ki, Barselonada keçirdiyi üç mövsümdə hər il 20-dən çox qol vurub.Bu, heç də asan deyil" 

Bu mövsüm 36 yaşlı Levandovski bütün turnirlərdə oynadığı 40 oyunda 35 qol vurub. Bundan əlavə, hücumçunun üç məhsuldar ötürməsi də var.

Levandovskinin "Barselona" ilə müqaviləsi 2026-cı ilin yayına kimi nəzərdə tutulub.