Kubarsi "Osasuna" ilə oyunu buraxacaq

"Barselona"nın müdafiəçisi Pau Kubarsi İspaniya çempionatında "Osasuna" ilə qarşıdakı matçda komandasına kömək edə bilməyəcək.

90deqiqe.Az xəbər verir ki, bu barədə İspaniya mətbuatı məlumat yayıb. Mənbənin məlumatına görə, 18 yaşlı futbolçu bu gün əsas komandadan ayrı məşq edib.

Kubarsinin "Jirona" ilə növbəti oyuna çıxacağı bildirilir.

 Bu mövsüm müdafiəçi bütün turnirlərdə 42 matçda meydana çıxıb, bir qol vurub və üç məhsuldar ötürmə edib. İspaniya çempionatının 27-ci turunun "Barselona" - "Osasuna" matçı martın 27-də keçiriləcək. Başlanğıc fiti Bakı vaxtı ilə saat 00:00-da səslənəcək.