Levandovski bombardirlər yarışında liderliyini davam etdirir

"Barselona" bu gün öz meydanında "Jirona"nı 4:1 hesabı ilə darmadağın edib.

90deqiqe.Az xəbər verir ki, sözügedən matçda Kataloniya təmsilçisinin forvardı Robert Levandovski iki qola imza atıb.

Polşalı hücumçunun hazırda cari İspaniya çempionatında 25 qolu var. Levandovski La Liqanın qol yarışında liderliyini davam etdirir.

İkinci yerdə qərarlaşan "Real Madrid"in futbolçusu Kilian Mbappe polşalıdan 3 qol (22) geri qalır.

"Barselona" İspaniya çempionatına inamla liderlik edir, ikinci yerdə qərarlaşan "Real Madrid"i üç xal qabaqlayır.

"Barselona"nın növbəti La Liqa matçı 5 aprel La Liqada evdə "Real Betis"ə qarşı olacaq. Başlanğıc fiti Bakı vaxtı ilə saat 23:00-da səslənəcək.