Luis Suares Flikin "Barselona"sında iki əsas oyunçunun adını çəkib

"Barselona"nın sabiq hücumçusu Luis Suares baş məşqçi Hans-Diter Flikin rəhbərliyi altında hazırkı komandasının səviyyəsi ilə bağlı açıqlama verib.

90deqiqe.Az xəbər verir ki, uruqvaylı forvard bu barədə jurnalistlərə açıqlamasında danışıb.

"Flikin "Barselona"sını bəyənirəm. O, səmərəli və yüksək səviyyədədir. Həlledici olan iki oyunçu var: Pedri və Lamin Yamal. Rafinya və Levandovski kimi daha iki [vacib] oyunçu var, lakin Pedri və Yamalın səviyyəsi müstəsnadır"

Uruqvaylı futbolçu 2014-2020-ci illərdə "Barselona"da çıxış edib. Bu müddət ərzində o, bütün turnirlərdə 283 matçda iştirak edib, 195 qol vurub və 113 məhsuldar ötürmə edib.