- İspaniya L.L.
- 23:46 29.06.2026
"Çelsi"nin yarımmüdafiəçisi Enzo Fernandes karyerasını İspaniya La Liqasında davam etdirə bilər.
90deqiqe.Az-ın "TBR Football"a istinadən verdiyi xəbərə görə, 24 yaşlı yarımmüdafiəçi ilə Madridin iki klubu - "Real" və "Atletiko" böyük maraq göstərir.
Argentinalı futbolçunun özünün də növbəti transfer pəncərəsində İspaniyaya keçməkdən xoşbəxt olacağı iddia edilir. Hər iki klubun artıq futbolçunun agenti ilə danışıqlara başlayıb.
Fernandes bu mövsüm bütün turnirlərdə 35 oyun keçirib, 5 qol vurub və 9 məhsuldar ötürmə edib. Fernandesin "Çelsi" ilə müqaviləsi 2032-ci ilə qədərdir. Transfermarktın məlumatına görə, yarımmüdafiəçinin qiyməti 75 milyon avrodur.
