"Jirona"nın yarımmüdafiəçisi Artur dayanacaqda qarət edilib

İspaniyanın "Jirona" klubunda icarə əsasında çıxış edən "Yuventus"un yarımmüdafiəçisi Artur Melo iki nəfər tərəfindən qarət edilib.

90deqiqe.Az xəbər verir ki, hadisə dünən günorta saatlarında braziliyalı futbolçunun dayanacaqda olduğu zaman baş verib. O, bilet alarkən naməlum şəxs Arturun saatını götürərək motosikletdə onu gözləyən dostu ilə birlikdə yoxa çıxıb. Zərərçəkən dərhal polisə müraciət edib.

Bu hadisənin futbolçunun növbəti çempionat oyununa hazırlığına heç bir təsir göstərmədiyi də qeyd olunur.

Artur bu cümə məşqində iştirak etdi. Bu mövsüm Artur Melo La Liqada 6 matçda iştirak edib və heç bir qol vurmayıb.