Flik "Betis"lə oyunundan razı qalıb

"Barselona"nın baş məşqçisi Hans-Diter Flik İspaniya çempionatının "Betis"lə oyununda heç-heçə ilə bağlı jurnalistlərə açıqlama verib.

90deqiqe.Az-ın "Mundo Deportivo"ya istinadən verdiyi məlumata görə, alman çalışdırıcı, oyunçularının matçda hər şeyini verdiyinə tam əmin olduğunu və komandasının oyunundan razı qaldığını qeyd edib.

"Bəli, biz qələbə qolunu vura bilmədik, lakin yaxşı müdafiə olunduq və çox çalışdıq. Sadəcə, davam etməliyik və bunu etməyə davam etməliyik"

Xatırladaq ki, “Barselona” və “Betis” 1:1 hesablı heç-heçə ilə başa çatıb. Hazırda İspaniya çempionatının turnir cədvəlinə “mavi qranatlar” başçılıq edir. “Barselona” ikinci pillədə qərarlaşan “Real Madrid”i dörd xal qabaqlayır.