Mamardaşvili "Valensiya"da qala bilər

"Valensiya"da çıxış edən Gürcüstan millisinin qapıçısı Giorgi Mamardaşvili daha bir mövsüm İspaniya çempionatında qala bilər.

90deqiqe.Az-ın "Estadio Deportivo"ya istinadən verdiyi xəbərə görə, futbolçunun hüquqlarına sahib olan "Liverpul" rəhbərliyi 24 yaşlı qolkiperi yenidən icarəyə göndərmək variantını nəzərdən keçirir.

Əsas qapıçı Alisson Beker klubda qala bilər, bu da Mamardaşvilinin oyun praktikasından məhrum olmaq riski deməkdir.Gürcü futbolçunun “Valensiya”da qalmasına onun maaşının artırılması təsir göstərməlidir.

Bu mövsüm Mamardaşvili 26 oyunda "yarasalar"ın qapısını qoruyub və 41 qola icazə verib.