"Mövsümə pis başladım, amma..."

"Barselona"nın müdafiəçisi Jerar Martin bu mövsümki çıxışı ilə bağlı fikirlərini bölüşüb.

90deqiqe.Az xəbər verir ki, "Barca Universal" ispan futbolçunun dediklərini belə çatdırıb. 

"Mövsümdən razıyam. Mən pis başladım, amma yavaş-yavaş performansımı yaxşılaşdırıram. Əvvəlcə təzyiq yüksək idi və bu, mənim üçün çətin idi. İndi yaxşı uyğunlaşdım və yaxşı formadayam"

Bu mövsüm 23 yaşlı futbolçu bütün turnirlərdə 31 oyun keçirib, bir qol vurub və üç məhsuldar ötürmə edib.  31 turdan sonra İspaniya La Liqasının turnir cədvəlinə 70 xalla "Barselona" başçılıq edir.