"Barselona"nın qapıçısı Ter Ştegen Xavi və Fliki müqayisə edib

"Barselona"nın qapıçısı Mark-Andre ter Ştegen klubun hazırkı baş məşqçisi Hans-Diter Fliklə keçmiş məşqçisi Xavini müqayisə edib.

90deqiqe.Az xəbər verir ki, "Barca Times" alman qolkiperin dediklərini belə çatdırıb. 

"Onlar çox fərqlidirlər. Xavi burada əfsanədir. Hansi [Flik] əla iş görür. Mən demirəm ki, bir məşqçi digərindən yaxşıdır, onlar fərqlidirlər.Məşqçilər dünyasında bunun daha yaxşı olduğunu və birinin daha pis olduğunu söyləmək çətindir" 

59 yaşlı alman mütəxəssis Hans-Diter Flik 2023/2024 mövsümü başa çatdıqdan və 44 yaşlı Xavinin kataloniyalıların baş məşqçisi postundan getməsindən sonra 2024-cü ilin may ayının sonunda "Barselona"ya rəhbərlik edib.