"Messi, tarixin ən yaxşısıdır"

"Barselona"nın qapıçısı Mark-Andre ter Ştegen komandanın sabiq hücumçusu, hazırda "İnter Mayami" klubunda çıxış edən Lionel Messi haqda danışıb.

90deqiqe.Az xəbər verir ki, "Barca Times" qolkiperin dediklərini belə çatdırıb. 

"Messi fantastik oyunçudur. O, şübhəsiz ki, tarixin ən yaxşısıdır. Bəzən insanlar onun böyük istedada malik olduğunu deyirdilər, başqaları isə bunu zəhmətlə əlaqələndirirdilər. Yanlış edirdilər. O, yəqin ki, indi Lamin [Yamal] kimi idi: o, hər şeyi bilmirdi və istedada malik olduğu üçün çox çalışmaq lazım deyildi. Amma yaşlandıqca o, fantastik peşəkara çevrildi, əsl peşəkarlıq nümunəsi oldu"