"Sevilya"nın yeni baş məşqçisi müəyyənləşib

"Sevilya" klubunun yeni baş məşqçisi bəlli olub.

90deqiqe.Az xəbər verir ki, Əndəlüs təmsilçisinin "sükanı" Xoakin Kaparrosa həvalə olunub. Bu barədə klubun rəsmi saytı məlumat yayıb.

69 yaşlı çalışdırıcı ilə cari mövsümün sonuna qədər müqavilə imzalanıb.

İspaniyalı mütəxəssis baş məşqçi postunda Qarsiya Pimientanı əvəzləyib.

Mütəxəssis bundan əvvəl 2000-2005-ci illərdə "Sevilya"ya rəhbərlik edib. O, 2018 və 2019-cu illərdə də bir neçə ay komandanın məşqçisi olub. "Sevilya" hazırda 31 oyundan sonra 36 xalla İspaniya La Liqasının turnir cədvəlində 14-cü yerdədir."Seviliya" növbəti turda doğma meydanda "Alaves"i qəbul edəcək.