Mbappenin qolsuzluq seriyası 5 matça çatıb

"Real Madrid"in hücumçusu Kilian Mbappe ardıcıl 5-ci oyundur ki, qol vura və ya məhsuldar ötürmə verə bilməyib.

90deqiqe.Az-ın "Opta Sports"a istinadən verdiyi xəbərə görə, son vaxtlar “Real Madrid” Çempionlar Liqasının 1/4 finalında iki dəfə “Arsenal” ilə qarşılaşıb, çempionatda “Alaveş” və “Valensiya”, kubokda isə “Real Sosyedad”la qarşılaşıb.

Mbappe kifayət qədər oyun vaxtı alıb, lakin statistikasını yaxşılaşdıra bilməyib.

Qeyd olunur ki, bu, futbolçunun karyerasında 2018-ci ildən bəri ilk belə haldır. Həmin vaxt Mbappe PSJ-nin futbolçusu olub. Ümumilikdə Kilian Mbappe bu mövsüm bütün turnirlərdə 49 matçda iştirak edib, 32 qol vurub və 4 məhsuldar ötürmə edib.