Flik Olmonun vəziyyəti haqqında danışıb

"Barselona"nın baş məşqçisi Hans-Diter Flik komandanın yarımmüdafiəçisi Dani Olmonun durumu ilə bağlı sualı cavablandırıb.

90deqiqe.Az xəbər verir ki, "Barca Universal" alman çalışdırıcının dediklərini belə çatdırıb. 

"Olmo hazırdırmı? Oynayıb-oynamayacağına sabah qərar verəcəyik, amma o, hazırdır. Fermin də yaxşı oyun keçirdi, baxarıq. Amma Olmo hazırdır".

Olmo zədə səbəbindən bir neçə matçı buraxdı, lakin əsas vaxtın bitməsinə 4 dəqiqə qalmış əvəzedici kimi meydana çıxaraq Çempionlar Liqasında "Borussiya" ilə matçda (1:3) meydana qayıdıb. Aprelin 19-da İspaniya La Liqasının 32-ci turu çərçivəsində "Barselona" doğma meydanda "Selta"nı qəbul edəcək. Görüş Bakı vaxtı ilə saat 18:15-də başlaması planlaşdırılır.