Kafu irqçiliyi pisləyib

Braziliya millisinin heyətində ikiqat dünya çempionu olmuş Kafu "Real"ın futbolçusu Vinisius Juniorla bağlı irqçilik qalmaqallarına münasibət bildirib.

90deqiqe.Az xəbər verir ki, "Marca" nəşri sabiq futbolçunun dediklərini belə çatdırıb. 

"Bununla mübarizə aparmalıyıq. İrqçilik təhsil məsələsidir. İnsanları əvvəldən yetişdirmək lazımdır ki, bərabər yaşaya bilsinlər. Vinisius bu fikirləri futbol vasitəsilə başqalarına çatdırmağa çalışır".

FİFA tərəfindən ilin ən yaxşı oyunçusu Vinisius Junior bu mövsüm bütün turnirlərdə 46 oyun keçirib, 21 qol vurub və 15 məhsuldar ötürmə edib.