"Məndən asılı olsaydı, "Real"da ömrümün sonuna qədər qalardım"

"Nyuells Old Boyz"un qapıçısı Keylor Navas "Real Madrid"dən ayrılmaq istəmədiyini etiraf edib.

90deqiqe.Az xəbər verir ki, "Madrid Universal" 38 yaşlı qolkiperin dediklərini belə çatdırıb. 

"Real"dan ayrılmaq? Bəzən qərarlar ürəklə deyil, futbol baxımından verilir. Hər şey məndən asılı olsaydı, orada ömrümün sonuna qədər qalardım"

Kosta-Rikalı 2014-2019-cu illərdə Los Blankosda çıxış edib. İspan nəhənglərinin tərkibində qapıçı üç dəfə Çempionlar Liqasının qalibi olub.

Keylor Navas "kral" klubundan ayrıldıqdan sonra 5 il PSJ-də çıxış edib. Futbolçu bu ilin yanvarından "Nyuells Old Boyz"da çıxış edir.