"Real Madrid"in ulduz hücumçusu komandanı tərk edə bilər

"Real Madrid"in ulduz hücumçularından biri olan Rodriqo yay transfer pəncərəsində komandadan ayrılan növbəti futbolçu ola bilər.

90deqiqe.Az-ın "AS" nəşrinə istinadən yaydığı məlumata görə, braziliyalı futbolçu hazırda hücum xəttində Cude Bellinqhem, Vinisius Junior və Kilian Mbappe ilə müqayisədə “ən zəif həlqə” kimi qiymətləndirilir.

Yeni baş məşqçinin komandaya gətirilməsi Rodriqonun mövqeyini daha da çətinləşdirə və onun gələcəyi ilə bağlı qərarın dəyişməsinə səbəb ola bilər. Klub daxilində braziliyalının satışından əldə olunacaq vəsaitin digər mövqelərin gücləndirilməsi üçün istifadə olunması planlaşdırılır.

Rodriqo bu mövsüm “Real Madrid”in heyətində vacib matçlarda iştirak etsə də, klubun gələcək planlarında onun yerinin zəiflədiyi bildirilir.