Karlo Ançelotti "Real"da qalmaq istəyir

"Real Madrid"in baş məşqçisi Karlo Ançelotti komandadan ayrılacağı ilə bağlı yayılan xəbərlərə baxmayaraq, komandada qalmaq niyyətindədir.

90deqiqe.Az-ın "COPE"yə istinadən verdiyi xəbərə görə, italyan mütəxəssisin prioritetləri belə sıralanır: "Real Madrid", Braziliya millisi və Səudiyyə Ərəbistanının "Əl-Hilal" klubu.

Daha əvvəl mediada Ançelottinin "Real Madrid"dən ayrılacağı və baş məşqçi postuna "Bayer"i çalışdıran Xabi Alonsonun gətiriləcəyi barədə xəbərlər yayılmışdı. Braziliya Futbol Federasiyası Ançelottinin xidmətində maraqlı olsa da, Səudiyyə Ərəbistanının "Əl-Hilal" klubu da təcrübəli çalışdırıcı ilə maraqlandığı üçün danışıqlar nəticəsiz qalıb.

Eyni zamanda, Karlo Ançelottinin baş məşqçi postunu tərk etməsi halında belə, "kral klubu"nda başqa bir vəzifədə qalması ehtimal olunur.