Antonio Rüdiger karyerasını bitirə bilər

"Real Madrid" və Almaniya millisinin mərkəz müdafiəçisi Antonio Rudiger zədə səbəbindən peşəkar karyerasını bitirə bilər.

90deqiqe.Az-ın "El Confidencial"a istinadən yaydığı məlumata görə, futbolçuya erkən mərhələdə osteoartrit diaqnozu qoyulub. Bu xəstəlik oynaqlarda qığırdaq toxumasının məhvinə gətirib çıxarır.

Bildirilir ki, "Real Madrid" Rüdigerin səhhətində yaranan problemlərdən xəbər tutsa da, almaniyalının yerinə müdafiəçi transfer etməkdən imtina edib.

Antonio Rudiger 2022-ci ilin yayında "Çelsi"dən "Real Madrid"ə pulsuz transferlə keçib. Futbolçunun klubla hazırkı müqaviləsi 2026-cı ilin yayına kimi nəzərdə tutulub. Ümumilikdə 32 yaşlı futbolçunun cari mövsümdə 49 oyun keçirib, 3 qol və bir məhsuldar ötürmə var.