“Flik komandada düzgün balans tapıb”

"Barselona"nın qapıçısı Mark-Andre ter Ştegen komandadakı vəziyyətlə bağlı fikirlərini bölüşüb.

90deqiqe.Az xəbər verir ki, "DAZN" təcrübəli qolkiperin dediklərini belə çatdırıb. 

"Flik oyunçular arasında balans tapıb, hər kəs onun üçün vacibdir. Əlbəttə, həmişə daha çox oynayan biri olacaq, amma biz bir komandayıq"

Qeyd edək ki, dünən La Liqanın "Valyadolid"lə oyununda ciddi zədəsini təzəcə sağaldan alman qolkiper ötən ilin sentyabrından bəri ilk dəfə meydanda meydana çıxıb. Kataloniya nəhəngi geri dönüşdə qələbə qazanıb – 2:1.

Çərşənbə axşamı Hans-Diter Flikin komandası Çempionlar Liqasının yarımfinal mərhələsinin cavab oyununu "İnter"ə qarşı keçirəcək.