Flik "Barselona" ilə yeni müqavilə imzalayacaq

"Barselona"nın baş məşqçisi Hans-Diter Flik yaxın vaxtlarda klubla əmək müqaviləsini uzada bilər.

90deqiqe.Az xəbər verir ki, 60 yaşlı mütəxəssis "Barselona" ilə 2027-ci ilin iyun ayına kimi nəzərdə tutulan yeni müqavilənin bütün detallarını razılaşdırıb. Müqavilənin may ayının sonuna qədər rəsmiləşdirilməsi planlaşdırılır.

Alman çalışdırıcı 2024-cü ilin yayında Xavi Hernandesi əvəz edərək "Barselona"nın baş məşqçisi olub. Bu müddət ərzində klub İspaniya kubokunu və Superkubokunu qazanıb, həm də çempionluq titulunu qazanmağa yaxındır. “Barselona” növbəti matçını mayın 15-də “Espanyol”a qarşı keçirəcək.