Ançelotti Braziliya millisindən sonra "Real"a qayıdacaq

Braziliya millisinin yeni baş məşqçisi Karlo Ançelotti yığmadakı öhdəliklərini yerinə yetirdikdən sonra "Real Madrid"ə qayıdacaq.

90deqiqe.Az xəbər verir ki, bu barədə İspaniyanın “Marca” nəşri məlumat yayıb.

Mənbənin yazdığına görə, italiyalı mütəxəssis Madrid klubuna qayıtdıqdan sonra onun rolu ilə bağlı qərar veriləcək. Bildirilir ki, Ançelotti "Real Madrid"də əvvəl köməkçisi olmuş Pol Klementlə Braziliyada da əməkdaşlığını davam etdirə bilər.

Xatırladaq ki, mayın 12-də Braziliya Futbol Konfederasiyası (CBF) Ançelottinin klub mövsümünün sonunda milli komandanın baş məşqçisi olacağını rəsmən açıqlayıb.