Şesni "Barselona" ilə müqaviləni uzatmağı düşünür

"Barselona"nın qapıçısı Voyçex Şesni növbəti mövsüm üçün müqaviləsini uzatmaq qərarına gəlməyə tələsmir.

90deqiqe.Az xəbər verir ki, "Barca Universal" polşalı futbolçunun dediklərini belə çatdırıb:

"Klub qalmağımı istəyir, amma mən əvvəlcə mövsümü bitirib, sonra yekun qərar verməyə üstünlük verirəm. Ümid edirəm ki, son matçlarda meydançaya çıxmaq məcburiyyətində qalmayacağam – bu, mənə hər şeyi sakit düşünmək imkanı verəcək. Başa düşürəm ki, böyük ehtimalla ehtiyat qapıçı olacam və bu, mənim üçün yeni vəziyyətdir. Bütün müsbət və mənfi cəhətləri diqqətlə ölçməliyəm."

Şesni  2024-cü ilin oktyabrında "Barselona"nınzədə səbəbindən başlanğıc qapıçı Mark-Andre ter Ştegenin yoxluğu ilə üzləşdiyi zaman peşəkar futbola qayıtdı. Polşalı qolkiper inamla komandadakı yerini tutdu və klubun eyni vaxtda üç kubok qazanmasına kömək edib.