"Barselona" Ferran Torreslə bağlı qərar verib

"Barselona" hücumçu Ferran Torresin gələcəyi ilə bağlı qərarını verib.

90deqiqe.Az "Fichajes"ə istinadən xəbər verir ki, Kataloniya təmsilçisi futbolçunu dəyərləndirsə də, onu əsas komandanın dəyişməz üzvü kimi görmür.

"Blauqrana" yay transfer dönəmində 25 yaşlı hücumçu üçün gələcək təklifləri nəzərdən keçirməyə hazırdır. Klub artıq Torres üçün təxmini qiymət də müəyyənləşdirib – 50 milyon avro.

“Barselona” bu məbləğin futbolçunun səviyyəsinə uyğun olduğunu düşünür və satışdan gələn vəsaiti heyətin gücləndirilməsində istifadə etməyi planlaşdırır.

2024/2025 mövsümündə Ferran Torres 45 oyun keçirib, 19 qol vurub və komanda yoldaşlarına 7 məhsuldar ötürmə edib.