Raul Xabi Alonsoya görə "Real Madrid"dən ayrılır

"Real Madrid"in gənclər komandası baş məşqçisi Raul Qonzales mövsümün sonunda klubu tərk edəcək.

90deqiqe.Az-ın "Relevo"ya istinadən xəbərinə görə, bu qərar Xabi Alonsonun əsas komandaya məşqçi təyin olunması ilə bağlıdır.

Raul Qonzales də əsas komandaya yüksəlmək ümidi ilə idi, lakin klub rəhbərliyinin qərarından məyus olub.

Xatırladaq ki, Karlo Ançelotti "Real Madrid"in La Liqadakı final oyunundan sonra "Los Blancos"un baş məşqçi postunu tərk edərək, Braziliya millisi ilə işə gedəcək. 

Onun yerini Almaniya klubunda iki illik uğurlu işindən sonra “Bayer Leverkuzen”dən ayrılacaq Alonso tutacaq.