De Yonqun “Barselona”dakı gələcəyi qeyri-müəyyən olaraq qalır

Niderlandlı yarımmüdafiəçi Frenki de Yonqun “Barselona”dakı gələcəyi yenidən sual altındadır.

90deqiqe.Az “Relevo” nəşrinə istinadən xəbər verir ki, futbolçunun klubla müqaviləsinin uzadılması ilə bağlı danışıqlar nəticəsiz qalıb və bu, yay transfer dönəmində onun gedişini aktuallaşdıra bilər.

De Yonqun “Barselona” ilə mövcud müqaviləsi 30 iyun 2026-cı ilə qədər qüvvədədir. Klub rəhbərliyi gələn mövsümün sonunda futbolçunun sərbəst qalmasının qarşısını almaq üçün razılaşmanı erkən uzatmaq istəyib. Lakin tərəflər arasında razılıq əldə olunmayıb.

“Barselona” de Yonqu satmaq üçün fəal şəkildə alıcı axtarmır. Bununla belə, klubun çətin maliyyə durumu səbəbindən sərfəli təkliflər dəyərləndirilə bilər.