"Atletiko Madrid" mövsümün ən yaxşı futbolçusunu seçib

"Atletiko Madrid" 2024/2025 mövsümünün ən yaxşı oyunçusunu açıqlayıb.

90deqiqe.Az klubun rəsmi saytına istinadən xəbər verir ki, debüt mövsümünü keçirən argentinalı hücumçu Julian Alvarez mükafata layiq görülüb.

 "Mattress Makers"in sponsorluğu ilə təqdim olunan mükafat Julian Alvarezin mövsüm ərzində göstərdiyi yüksək performansı və komandaya verdiyi əvəzsiz töhfəni vurğulayır.

25 yaşlı forvard bu mövsüm “Atletiko”nun heyətində 54 rəsmi oyunda 29 qol vurub və 7 məhsuldar ötürmə ilə yadda qalıb.

İspaniya La Liqasında “Atletiko Madrid” turnir cədvəlində üçüncü yeri tutub. Julian Alvarez daha əvvəl İngiltərənin “Mançester Siti” klubunda çıxış edib və 2022-ci ilin sonunda Argentina millisinin tərkibində dünya çempionu kimi tarixə düşüb.