- İspaniya L.L.
- 23:59 17.04.2026
"Atletiko" klubu hücumçusu Antuan Qrizmanla yeni müqavilə imzalayıb.
90deqiqe.Az klubun rəsmi saytına istinadən xəbər verir ki, fransalı futbolçu ilə mövcud müqavilə 30 iyun 2027-ci il tarixinədək uzadılıb.
2023/24 mövsümündə "Atletiko"nun heyətində 53 oyuna çıxan Qrizman 16 qola imza atıb və 9 məhsuldar ötürmə ilə yadda qalıb. Fransalı forvard Madrid təmsilçisinin heyətində İspaniya Superkuboku, UEFA Avropa Liqası və UEFA Superkubokunun qalibi olub.
Qrizman “Atletiko”ya 2014/15 mövsümündə transfer olunub. O, klub tarixində 197 qolla “matrasçılar”ın ən məhsuldar futbolçusudur. Hücumçu həmçinin 442 oyunla klub tarixində ən çox matç keçirən futbolçular arasında 8-ci yerdə qərarlaşıb.
