"Barselona" ilə 5 illik müqavilə imzalayır

İspaniyanın "Barselona" klubu, "Espanyol"un qapıçısı Joan Qarsiya ilə 5 illik müqavilənin bütün şərtlərini razılaşdırıb.

90deqiqe.Az-ın məlumatına görə, Kataloniya klubu gələn həftə 24 yaşlı futbolçu üçün 25 milyon avro məbləğində satınalma maddəsini ödəyəcək.

Transfer artıq tam şəkildə təsdiqlənib, və "Espanyol" klubunun yalnız ödənişin həyata keçirilməsi tarixini açıqlaması gözlənilir.

Xatırladaq ki, Qarsiyanın 24 yaşı var. O, İspaniya millisinin tərkibində olimpiya çempionudur. Ötən mövsüm qapıçı bütün turnirlərdə 38 oyuna çıxıb, 51 qol buraxıb. Səkkiz matçda qapısını toxunulmaz saxlayıb. Joan La Liqanın ötən mövsümündə edilən seyvlərin sayına görə (146) birinci yeri tutub.