- İspaniya L.L.
- 23:59 30.03.2026
"Real Madrid" klubu 2025/26 mövsümündə istifadə olunacaq yeni ev formasını təqdim edib.
90deqiqe.Az klubun rəsmi saytına istinadən xəbər verir ki, formanın eni dizayn ənənəvi ağ rəng üzərində qurulub və klassik üslubu qorumağa davam edir.
Formanın texniki sponsorluğu isə əvvəlki illərdə olduğu kimi bu mövsümdə də Almaniyanın tanınmış idman brendi "Adidas" tərəfindən həyata keçirilir.
Xatırladaq ki, "Real Madrid" 2024/2025 mövsümünü "Barselona"ya 4 xal itirərək İspaniya Primerasının turnir cədvəlində ikinci yerdə başa vurmuşdu. Los Blankoslular İspaniya kubokunu və İspaniya Superkubokunu da qazana bilməyiblər. Çempionlar Liqasında "Real Madrid" London "Arsenal"ına məğlub olduğu 1/4 final mərhələsində dayanıb.
Mayın ortalarında baş məşqçi postunu tutan Karlo Ançelottinin komandadan gedəcəyi məlum olub. Yeni mövsümdə "Los Blancos"a "Real Madrid"in və "Liverpul"un keçmiş futbolçusu Xabi Alonso başçılıq edəcək.
