16 yaşında Barselona'da debüt etdi

İspaniya La Liqasının II turunda "Betis"lə keçirilən oyun "Barselona"nın gənc futbolçusu Ansu Fati üçün əlamətdar olub.

Corner.az-ın xarici mətbuata istinadən məlumatına görə, 16 yaşlı hücumçu ilk rəsmi oyununa çıxıb.

Belə ki, Kataloniya klubunun 5:2 hesabı ilə qalib gəldiyi qarşılaşmanın 78-ci dəqiqəsində mübarizəyə qoşulan Fati  debüt edib. Bununla o, komandanın ən gənc ikinci rekordçusu olub.

Fati tarixə düşmək üçün cəmi 2 gün gec qalıb. Çünki "Barselona" tarixinin rekordçusu Visente Martinesdi. Futbolçu 1941-42 mövsümündə 16 yaş 298 günlüyündə debüt edib.