Niko Uilyams gələcəyi ilə bağlı qərarsızdır

İspaniya millisinin və Bilbao “Atletik”in vingeri Niko Uilyams karyerasını yalnız iki klubdan birində davam etdirmək niyyətindədir.

90deqiqe.Az-ın "Diario Sport"a istinadən yaydığı məlumata görə, 22 yaşlı futbolçu ya doğma klubu “Atletik”də qalacaq, ya da “Barselona”ya keçəcək.

Uilyams digər komandaların təkliflərini nəzərə almaq istəmir.İspan futbolçunun yaxın vaxtlarda qərarını verməsi gözlənilir.

Qeyd edək ki, daha əvvəl Niko ilə “Arsenal”, “Real Madrid” və “Bavariya” kimi klubların maraqlandığı bildirilmişdi.

Geridə qalan mövsümdə Uilyams “Atletik”in heyətində 45 matçda iştirak edib, 11 qol vurub və 7 məhsuldar ötürmə ilə yadda qalıb.