"Barselona" Joan Qarsiyanı transfer edib

İspaniyalı qapıçı Joan Qarsiya "Barselona"ya keçib.

90deqiqe.Az xəbər verir ki, bu barədə klubun rəsmi saytı məlumat yayıb. Bildirilib ki, "Barselona" futbolçunun 25 milyon avro məbləğindəki sərbəst buraxılma maddəsini və əlavə istehlak xərclərini ödəyərək transferi reallaşdırıb.

Qarsiya bu cümə günü klubun ofisində keçiriləcək mərasimdə "Barselona" ilə 2031-ci ilin 30 iyununa qədər – altı mövsümlük müqavilə imzalayacaq.

Qeyd edək ki, 24 yaşlı qapıçı 2024/2025 mövsümündə "Espanyol"un heyətində 38 oyunda iştirak edib. Transfermarkt portalına əsasən, futbolçunun bazar dəyəri 25 milyon avro təşkil edir.