Mbbappe xəstəxanaya yerləşdirildi

"Real Madrid" klubu hücumçusu Kilian Mbappenin səhhəti ilə bağlı rəsmi açıqlama yayıb.

90deqiqe.Az klubun rəsmi saytına istinadən məlumatına görə,26 yaşlı futbolçu kəskin qastroenterit səbəbindən ABŞ-da xəstəxanaya yerləşdirilib.

“Futbolçumuz Kilian Mbappe kəskin qastroenteritdən əziyyət çəkir və bununla bağlı olaraq bir sıra tibbi müayinələrdən keçməsi və müvafiq müalicə alması üçün hospitala yerləşdirilib”, – deyə “Real”ın açıqlamasında bildirilir.

Qeyd edək ki, Mbappe sözügedən xəstəlik səbəbilə 2025-ci il Klublararası Dünya Çempionatının ilk turunda “Əl-Hilal”la keçirilən matçı buraxıb. Görüş 1:1 hesablı heç-heçə ilə yekunlaşıb.

“Real Madrid” turnirin ikinci turunda iyunun 22-də Meksikanın “Paçuka” klubu ilə qarşılaşacaq. Oyun Bakı vaxtı ilə saat 23:00-da başlayacaq.