Pikenin komandası Sequndaya yüksəldi

Jerar Pikeyə məxsus olan “Andorra” klubu İspaniya Sequndasına vəsiqə qazanıb.

90deqiqe.Az xəbər verir ki, komandaya bu uğuru pley-off mərhələsində “Ponferradina” üzərində qazanılan qələbə təmin edib. İlk oyun 1:1 hesabı ilə başa çatmışdı. Cavab qarşılaşmasında isə yeganə və həlledici qolu ikinci hissənin əvvəlində Lautaro de Leon vurub.

Matçın son dəqiqələrində “Ponferradina” təzyiqi artırsa da, “Andorra” hesabı qorumağı bacarıb və nəticədə Sequndaya yüksəlib.

Bu uğur Jerar Pike və onun rəhbərlik etdiyi klub üçün yeni mövsümdə daha böyük hədəflər uğrunda mübarizənin başlanğıcı kimi dəyərləndirilir.