Messidən Lamin Yamala xüsusi məktub

"İnter Mayami"nin hücumçusu Lionel Messi "Barselona"nın gənc ulduzu Lamin Yamal üçün məktub yazıb.

90deqiqe.Az xəbər verir ki, bu hadisə "Adidas" şirkətinin yeni reklam kampaniyası çərçivəsində baş tutub. Reklam çarxında Messi bir məktubu bükərkən sənəddə "Lamin Yamal" adının yazıldığı aydın görünür. Güman olunur ki, Yamal yaxın vaxtlarda Lionel Messi üçün hazırlanmış yeni "Adidas" butslarını geyinəcək oyunçulardan biri olacaq.

Qeyd edək ki, 17 yaşlı futbolçu yaxın gələcəkdə “Barselona”da əfsanəvi “10” nömrəli formanı da əldə edə bilər. Sözügedən nömrə Ansu Fatinin “Monako”ya keçidindən sonra azad qalıb. Hazırda Lamin Yamal tətil dövründədir.