“Messi ilə eyni səviyyədə idi”

“Barselona”nın sabiq yarımmüdafiəçisi İvan Rakitiç komanda yoldaşı olmuş Neymar haqqında fikirlərini bölüşüb.

90deqiqe.Az xəbər verir ki, xorvatiyalı futbolçu “AS” nəşrinə verdiyi açıqlamada braziliyalı ulduzun “Barselona”dakı çıxışının fərqli olduğunu bildirib:

“Biz “Barselona”da tamam başqa bir Neymardan zövq alırdıq. O, PSJ-dəki Neymar deyildi. Bu, səviyyə baxımından Leo Messiyə yaxın olan bir futbolçu idi. Belə iki oyunçunun eyni komandada olması dəli bir şey idi”.

Qeyd edək ki, Neymar Kataloniya klubunda 2013–2017-ci illərdə çıxış edib. Bu müddətdə o, 186 oyuna çıxıb, 105 qol vurub və 76 məhsuldar ötürmə ilə yadda qalıb. 2025-ci ilin yanvarından etibarən o, karyerasını yenidən vətəni Braziliyada – “Santos” klubunda davam etdirir.