Joan Qarsiya "Barselona"ya keçidinin səbəblərini açıqlayıb

"Barselona"nın yeni qapıçısı Joan Qarsiya, Kataloniya klubuna keçmə qərarını niyə verdiyini açıqlayıb.

90deqiqe.Az xəbər verir ki, 24 yaşlı qolkiper digər komandaların ona maraq göstərdiyini etiraf etsə də, "Barselona"nın təklif etdiyi idman layihəsinin heç bir klubla müqayisə oluna bilməyəcəyini vurğulayıb. 

"Bəli, başqa klublardan maraq var idi, amma heç biri "Barselona"nın təklif etdiyi idman layihəsi ilə müqayisə oluna bilməz. Hazırda "Barselona"nın gənc bir komandası var və bu komanda bütün turnirlərdə qalib gəlmək potensialına malikdir."

Bu yay transfer pəncərəsində "Barselona" 24 yaşlı qapıçı Joan Qarsiyanı "Espanyol"dan 25 milyon avro qarşılığında transfer edib. Katalon klubu yeni mövsümün ilk rəsmi matçını 16 avqustda keçirəcək. "Barselona"nın rəqibi "Malyorka" olacaq.