“Mançester Yunayted”də həqiqi rəhbər yox idi”

“Barselona”nın hücumçusu Markus Reşford “Mançester Yunayted”dən ayrılmasının səbəbini açıqlayıb.

90deqiqe.Az xəbər verir ki, ingilis forvard bu barədə jurnalistlərə açıqlama verib.

Rəşford bildirib ki, klub uzun müddətdir rekonstruksiya mərhələsindədir və bu proses hələ də tamamlanmayıb. “İllərdir deyirdilər ki, biz keçid dövründəyik, amma proses uzandı. Realist olaq: “Mançester Yunayted”də məşqçilər, ideyalar və strategiyalar dəyişirdi, amma əslində heç nə dəyişmirdi. Biz, oyunçular, hələ də yerimizdə idik, həqiqi rəhbər yox idi”

Qeyd edək ki, Reşford “Barselona” tarixində Qari Linekerdən sonra kluba transfer olunan ilk ingilis futbolçudur.