“Lamin Yamalın qol vurmasını çox arzulayırdım”

“Barselona”nın mərkəz müdafiəçisi Ronald Arauxo komanda yoldaşı Lamin Yamalın “Malyorka” ilə oyundakı çıxışına münasibət bildirib. 

90deqiqe.Az xəbər verir ki, "Barca Universal" uruqaylı futbolçunun dediklərini belə çatdırıb.

“65-ci dəqiqədən etibarən onun üçün çox narahat idim, çünki imkanları dəyərləndirə bilmirdi. Ona dedim ki, fürsət yenə gələcək – və o, həqiqətən də gəldi”

La Liqanın I tur matçında kataloniyalılar rəqib üzərində 3:0 hesablı qələbə qazanıblar.18 yaşlı hücumçu görüş ərzində doqquz zərbə endirsə də, yalnız əlavə olunmuş vaxtın 4-cü dəqiqəsində fərqlənə bilib.

Yamal həmçinin 7-ci dəqiqədə Rafinhanın vurduğu qolda məhsuldar ötürmə ilə yadda qalıb.